لاتحسب اني يوم قفيـت ارتجـي قربـك رجـى
...................لا والله الا موت راسي قبل اقـول انـه رجـاك
لو كان حبك درب ماله في مسيـري مخرجـى
...................ولو كان لك قصرٍ مشيد وسط قلبي من غـلاك
ماقلتلك بدر الدجى لو كنـت لـي بـدر الدجـى
..................ولاقلتلك ضامي وانا اشوف المخايل في سمـاك
خلك على دربـك ورب الكـون همـي يفرجـى
.....................والله يباعد لـي مـداك ولا يقـرب لـي مـداك
انا الذي كنت اعقد العـزم وحصانـي اسرجـى
...................ولاحسب حسـاب المسافـه دام يتليهـا لقـاك
وانا الذي صغت القوافي صوغ بحروف الهجـى
..................من شان عينك كنت اوصف للحلا وشهو حـلاك
وانا الذي كنت احسبك من شوف خلك محرجـى
..................ماكنت اظنك تبغي البعد وتناسـى مـن هـواك
لاواحسايف شمعتـك كانـت بقلبـي مسرجـى
......................لكنهـا ذابـت وذاب القلـب كلـه مــن رداك
ماهمني لو راح ظنـك فـي خليلـك ثـم جـى
...................ولاهمني لو شوق قلبـك يـم مظنونـك حـداك
خلاص حبك بعد مـا كـان بفـوادي مدرجـى
..................انهيت حبك وانتهى وصلك ومـات الـي بغـاك
والله لو شوق المشاعر جـا بجيـش مدججـى
................ماني مسامح عن خطا وانا ادري ان ماهو خطاك
كل الخطا مني وثقـت بشخـص مامنـه رجـى
...................يالعنبو دارك عطيتك قلب مـن مثلـي عطـاك
تدري.! مدامك تمشي بـدربٍ مسيـره معوجـى
.........................اقـول لـك الله معـاك ختامـهـا الله مـعـاك

ابـــــــــدعــــت واتـــــالـــــــــــــقــــــــــت

يعطييييك العافييه اخوووي

ابدااع شعري راائع وجميل من شخص تعودنا منه الاطلاله الحلوه

يسسسلمو على هذه الابيات الشعريه الرائعه ... لاخلا ولاعدم....
تقبل مــــــرووري ... ودمت في خير ...

تسلم يمناك والله يعطيك العاافيه ع المووضوع الراائع..
لاخلا ولا عدم...